2 mánuðir

Nú er komið að því, eftir baráttu uppá blóð, svita og tár að fá netið í tölvuna mina eftir langa bið þá loksins vann ég. Undirbúið ykkur fyrir heljarinar skemmtun, vil afsaka stafsetningarvillurnar er svo spennt næ ekki að hugsa skýrt!

Allavegna hvar á ég að byrja..

Fór með AFS krökkunum sem eru í Campaniu (Napolí og þar í kring) í 6 week camp sem var haldið í Salerno, u.þ.b. klukkutími í lest. Vorum þar í 4 daga og sjaldan hef ég sofið jafn lítið. Náðum að rottast okkur saman og hittast öll í einu herbergi og vaka alla nóttina sem jújú var rosa gaman en ekki jafn gaman daginn eftir að vakna klukkan 8! En vorum semsagt 34 hressir skiptinemar og öll jafn athyglissjúk og allur pakkinn þannig þetta var rosa skemmtileg ferð. Fyrsta daginn vorum við aðalega á fundum og fyrirlestrum sem var ekkert æðislega gaman en náðum að skemmta okkur með því að taka myndir af öðrum sofandi og taka grettumyndir, rosa fjör. Fengum mat á hótelinu 3svar á dag og alltaf tveggja eða þriggjarétta, þjónað til borðs og allt. En morgunmaturinn var aðal hjá okkur stelpunum því við fengum ótakmarkað magn af vínabrauði og Nutella!! Það eina sem náði okkur á fætur var það hahaha, varð svo rosa mikill húmor í ferðinni. Líka gaman að segja frá því að allir þá meina ég ALLIR skiptinemarnir drekka núna kaffi og biiiiðröðin sem myndaðist fyrir einn esspresso til að starta deiginum... samt alveg þess virði!En við gerðum margt skemmtilegt, gerðum kynningu um landið okkar og ég rosa sniðug að taka gjöfina sem ég gaf fjölskyldunni minni til baka yfir þessa daga til að sýna krökkunum myndir af Íslandi, alltaf þegar ég fletti um síðu þá heyrðist í þeim váááá, svo aftur váááá, já mamma... er búin að leyfa nokkrum krökkum að koma í heimsókn og fá gistingu hjá okkur bara láta þig vita :)) En krakkarnir héldu án gríns að ég ætti heima í snjóhúsi og með mörgæsir sem gæludýr... en náði svosem að leiðrétta einhvað af því en ekki allt. Komst líka af því hver kallaði mig albinóa í arrival campinu í Róm, þá er það Ilma sem er ein besta vinkonan mín sem er líka í Napolí, og það sem var hleigið. Allavegna, fórum líka að skoða söfn sem var drepleiðinlegt og fórum í krikju þar sem flestar stelpurnar voru í stuttbuxum og hlýrabol og presturinn rak þær úr kirkjunni, það var rosa fyndið, sáum líka einhvern mann vera í þvílíkum játningum við prestinn og við alveg í kasti bakvið þannig hann endaði á því að reka okkur öll út úr kirkjunni, en toppur dagsins var þegar við fórum á ströndina, ég albinóinn var í steik allan tímann og kom heim eins og tómatur í framan, en allt í lagi með það. Næ alltaf að misskilja einhvað og fatta það svo ekki fyrr en langt eftirá, herbergisfélaginn minn var frá Austurríki EKKI Ástralíu hahaha og hvað var ég búin að koma mér í, búin að spyrja hana út í kengúrur og að Ísland væri akkurat hinumeigin á heiminum og svona óþarfa ÞARTIL seinasta daginn nær hún að æla því uppúr sér að hún sé frá Austurríki.... Svosem ekkert spennandi að spyrja um Austurríki þannig við héldum áfram að tala um Ástralíu.. djók. Uppahöldin mín í þessari ferð eru klárlega stelpurnar frá Tælandi og kína, get ekki líst því hversu mikið ég sakna þeirra núna, þær eru svo miklar dúllur!! Var líka rosa gaman að taka ljósa hárið mitt og láta yfir þeirra og taka myndir!Umm það var svo hæfileikakeppni þar sem ég og stelpur frá USA, Póllandi og Noregi tökum ákvörðun að dansa höfuð, herðar, hné og tær og syngja á okkar tungumáli(þvílíkur hæfileiki, ég veit) fékk samt smá samviskubit eftirá því stelpurnar frá tælandi komu með búninga og voru búnar að æfa sig heima og allt hahaha, en rosa flott hjá þeim! Gæti talað endalaust um þessa ferð, en kom dauðþreytt heim á sunnudeiginum og með mestu munnræpu sem ég hef fengið og þá á ítölsku og held að ekkert hafi meikað sens en hann var alveg rosa rosa ánægður og klappaði fyrir mér og hló af mér eins enginn væri morgundagurinn, veit ekki hvort það sé gott eða ekki... allavegna var mamma að taka powernap þegar ég kom heim og ég búin að vera rosa dugleg að æfa mig fyrir framan spegilinn til að segja henni frá seinustu dögum á ítölsku og hún var ekkert smáá ánægð jeijj..

Á mánudeiginum mæti ég eins og múmía í skólann, ógeðslega þreytt og alls ekki að nenna þessu, en þá var bekkurinn minn rosa ánægður að sjá mig eftir allan þennan tíma sem við vorum ekki saman og rosa gaman að spyrja mig út í helgina þannig ég splæsti í nokkrar settningar á ítölsku og þau alveg himinánægð með Íslendinginn sinn. Talandi um skólann þá gengur svosem ágætlega þrátt fyrir að ég geri ekki neitt nema að sitja og gera ekki neitt í 5 tíma á dag! En fer á hverjum deigi í ítölskutíma í skólanum og þá þarf ég alltaf að gera „heimanám‘ og skrifa eina settningu á ítlölsku og lesa fyrir bekkinn sem er svosem ágætt :)) bara vesen að vera komin með heimanám svona snemma.. djók

Það er víst kominn vetur í Napolí, fer alveg niður í 16°!! Og þá þarf ég sko að fara í úlpunni í skólann!! En seinustu daga er búið að rigna frekar mikið og þá meina ég mikið! Er kanski í skólanum og þrumur og eldingar fyrir allan peninginn ég náttúrulega hef ekkert að gera í tímum nema að stara út um gluggann og þegar ég sé eldingarnar og heyri í þrumunum þá kippist ég alveg til og pikka í alla og segi heyrðiru þetta????! Á voðalega erfitt með að venjast þessu, þau taka ekkert eftir þessu lengur. Gaman að segja frá því að við systurnar ´stálumst´til að fara á vespunni í rigningu á laugardeiginum í seinustu viku og fengum það aldeilis í bakið þegar við vorum hálfnaðar á leiðinni heim í mestu rigningu sem ég hef upplifað og hvað helduru, VERÐUM VIÐ EKKI BENSÍNLAUSAR.... frááábært!! Svo við hringjum skömmustulegar í pabba til að sækja okkur og koma með bensín fyrir vespuna hahaha... erum alveg stórhættulegt teymi á vespunni.

Langar að skjóta því inn að seinustu sturtuferðir hafa verið rosalega skrautlegar. Fyrst næ ég að klára heita vatnið, næ að harka það af mér og klára að skola hárið með kalda vatninu en viti menn daginn eftir er ég rétt búin að skella sjampóinu í hárið og klárast ekki helvítis vatnið!!! Og hvað þá? Þá tekur við bið þartil vatnið dælist aftur á hahaha.

En það var frí í skólanum á fimt,föst og laug, hef ekki hugmynd afhverju en græt það ekki. var orðin rosa spennt að fá loooksins að sofa út, en nei á litla sæta systur sem vaknar klukkan 8 á morgnanna og þarf að fá allt nágrennið með sér á fætur! Byrjar að syngja og öskra og berja í veggi, hélt að ég væri að sturlast.. vil nýta tækifærið núna og byðja bræður mína fyrirgefningar á að vera ógeðslega pirrandi litla systir í gegn um árin dísess kræst hvað ég finn til með ykkur sem eiga lítil syskini! En nóg með það fór á halloween ball með fótboltanum á miðvikudaginn og það var rosa stuð! Tók nokkur danspor á dansgólfinu og fékk gælunafnið the queen of the team hahaha en er að fara á samning með liðinu svo ég geti keppt með þeim á þessu tímabili jeijj, rosa skemmtilegar stelpur fór með þeim út að borða í gærkvöldi og þurftum að bíða svangar eftir pizzu í 2 klukkutíma, átti erfitt með að trúa því en allt fyir ekta napolska pizzu!! Náði svo að plata syssu og vinkonu hennar í að fara í einhvað bakarí og keypti handgert ítalskt súkkulaði sem er eitt það besta sem ég hef smakkað!

Er orðin enskukennari í fjölskyldunni og hitti bróðir pabba reglulega og tölum saman á ensku og fæ borgað fyrir það haha, ekki slæmt!

Er byrjuð að geta talað smá við ömmu og afa, þau eru svo miklar dúllur. Förum alltaf í hádeiginu eftir skóla í mat til þeirra sem er rosa gaman því oftast er rosa góður matur, fékk um daginn pasta með nýrnarbaunum og þær eru ekkert í uppáhaldi hjá mér svo ég plokkaði þær frá og geymdi þær til hliðar. Daginn eftir tók amma sig til og hakkaði helvítís baunirnar og bjó til sósu úr þeim og blandaði við pastað, frábært amma, frábært!!! Kemst ekkert upp með að plokka þær til hliðar lengur, djöfull er sú gamla klók.. Hún er líka mesti snyrtipinni sem ég veit um(já mamma hún er verri en þú) en er samt ekki að hata það því þegar ég kem heim úr skólanum er hún búin að brjóta saman fötin mín sem voru í haug á stólnum og búin að búa um rúmið, þurka af og sópa gólfið! Algjör lúxus

Er komin með þokkalega ritstíflu og veit ekki hvað ég get skrifað meira..

Allavegna þá líður mér alveg vel og fjölskyldan er góð við mig svona inná milli...djók

Fæ alveg heimþá inná milli en ég lifi þetta af! En þangað til næst!!