Áframhald af lífinu hérna í Napólí

Jæja kæra fjölskylda og vinir, gaman að segja frá því að ég er nær dauða en lífi hér í Napólí! 4 morð innan við kílómeter frá heimilinu mínu +  var brotist inn í bílinn okkar í þokkabót sömu nótt! Mamma er búin að vera í taugahrúgu yfir þessu en þá náði Styrmir bróðir að segja við hana að mafían drepur ekki ljóshærðar stelpur með blá augu heldur selji þær frekar... Takk Styrmir núna líður mér miklu betur.

En allavegna, það er búið að vera rosa mikið fjör hérnameigin, þegar ég var í þeim pakka að svara öllu játandi og brosandi þá náði ég að koma mér í þann klandur að fara á fótboltaæfingu, en allt í lagi með það! fékk lánaða skó sem voru frekar litlir og fékk risastóra blöðru í þokkabót jeijj :D  Mætti halda að það væri ekki til neitt sem kallast plástur en þá kom Robbi pabbi með sjúkrakassann og bjó til plástur la italian style!

Er búin að fara í 3 shopping ferðir í aðal gotunni í Napolí og ef þið þekkið mig rétt þá fer ég aldrei tómhent heim!!
Allavegna, ég er búin að vera hérna í 2 vikur og líður eins og ég sé búin að vera hérna bara yfir eina helgi, allt er svo fljótt að líða og svoo mikið að gera alltaf! við skiptinemarnir í Napolí erum á sérstöku námskeiði þar sem við hittumst nokkrum sinnum og erum að reyna að læra ítölsku sem endar oft ekkert alltof vel !
Á sunnudaginn kemur hættir fjölskyldan að tala við mig á ensku og talar bara ítölsku..... það verður skrautlegt þarsem ég er byrjuð að skilja eitt og eitt orð en alls ekki að tala hana fyrir mitt litla líf!
Ummm fór á ball á þriðjudaginn sem var örugglega samfés x2 ! hef sjaldan séð svona mikið fólk á einum stað, það var geeðveikt gaman, þónokkuð margir að reyna að taka mig útaf dansgólfinu en þá náði ég að hoppa á bekkjabræður mína og sagði að þeir væru kæró eða jafnvel stelpurnar og sagðist vera lesbísk... vel gert ég veit!!

Það sem ég er búin að læra hérna í Napolí er að esspresso kaffið hérna er það besta, ég finn bara besta mozarella ostinn í Napoli, þau tala heldur ekki ítölsku heldur napolsku eða einhvað álíka hahaha...
Alora, við systurnar förum núna alltaf á vespunni í skólann sem er eitt það skemmtilegasta við daginn því það er algjört hell að labba í skólann í þessum hita, þá er maður eins svitaklessa (fyrir allan peninginn mamma)
Talandi um skólann þá er bekkurinn minn algjört æði, allir ógeðslega háværir og þurfa athygli allan tímann ( Serena ef þú ert að google translatea þetta þá er ég bara rétt að byrja... haha) Kennaranir hérna verða ándjóks skrítnari með tímanum, tók eftir því að stærðfræðikennarinn er ekki bara með gleraugu sem stækka augun x3 heldur er hann alltaf með pung á sér og í gönguskóm svo hikar hann ekki að tala við mig á ítölsku vitandi að ég skilji ekki neitt. Einn kennarinn er ALLTAF með sólgleraugu í tíma og sveiflandi blaðvæng ég veit ekki hvert hún ætlar að fara með hann... Er alveg að meika enskutímana hérna, erum að læra 8 bekkjar enskuna hérna en allt í lagi með það þá er ég gáfuð í einu fagi! Eitt það fyndnasta sem ég lenti í var þegar húsvörðurinn eða einhvað, veit ekkert hver þetta er fór að baukast í orðabókina mína og skemmti sér konunglega yfir því en það fyndnasta var þegar einn bekkjarbórðir minn fór að leika hann. Einn kennarinn var líka í miðjum samræðum þegar hann labbaði allt í einu út úr tíma og lét ekkert sá sig aftur fyrr en eftir nokkrar mínútur hahaha... kanski aðeins of mikill einkahúmor milli bekkjarins een gaman að segja frá því!

Litla systir loksins byrjuð að tala smá við mig !! getur sag að hún eigi stóra systur sem heitir Salka Sigurðardóttir! ekkert smáá sætt!!! Fór út að borða með fjöslkyldunni á miðvikudaginn og við vorum ándjóks standslaust borðandi og drekka kaffi og fleira í 4 tíma, þetta er crazy hvað þau koma miklu ofan í sig !! þegar við vorum búin að borða þá ákvöðum við krakkarnir að halda smá tónleika þar sem einn spilaði á píanóið og við sungum með! foreldrarnir komnir í svaka stuð og fóru að öskra með og dansa, sem betur fer voru ekki margir á staðnum haha :)
Loksins kominn föstudagur og helgin framundan, bara djók það er skóli klukkan 8 í fyrramálið jeijjj!! er byrjuð að finna fyrir svo mikilli menningarþreytu!! er aaaalltaf þreytt, næ varla að halda mér vakandi í tímum og eftir skóla þá tek ég oft powernap í sófanum! með íslensku sænginni minni sem er að slá í gegn á heimilinu.
Talandi um að ég og mamma höfum misreiknað hitastikið hér í Napolí, ég pakkaði niður dúnúlupunni minni og tók hana með mér hingað og ég held að fjölskyldan sé ennþá að gera grín af mér útaf því... Er líka að byrja að átta mig á því ef það er ágætt veður á morgnanna þá er steikjandi hiti þegar skólinn er búinn, þannig það er alltof mikið að fara í bol, hettupeysu, jakka og með klút eins og á Íslandi... alltaf er maður að læra einhvað nýtt!

Allavegna er spennandi helgi framundan þrátt fyrir skólann á morgun, steplurnar í bekknum ætla að taka útlendinginn sinn og sýna mér flottustu og fallegustu staðina í Napolí, er ekkert smáá spennt :D
Annars er ég eins og er á lífi á meðan mafían er að taka til hérna, engar áhyggjur mamma ég kem vonandi aftur heim eftir 10 mánuði :) Farin að sakna ykkar smá, ekki mikið.. djók
Ætla að skjóta því inn að ég er búin að plata nokkra að ég eigi mörgæsir heima á Íslandi... gaman að því
En þangað til næst!!!
http://www.youtube.com/watch?v=3P06kyFpIQU
Eitt smá uppáhalds fyrir ykkur heima á klakanum!! xxx

Ferðalagið til Ítalíu og fyrstu dagarnir í Napolí :)

Jæja kæru vinir og fjölskylda,  hallið sætunum, stillið skjáinn  og komið ykkur vel fyrir! hér kemur smá blogg um fyrstu dagana hérna á Ítalíu :)

Ferðalagið hefst á Keflavíkurflugvelli, allt rosa óraunverulegt og skrítið, búin að kveðja alla( þó nokkuð mörg tár felld, þið vitið hver þið eruð hahaha ) en já við erum semsagt 12 skiptinemar frá Íslandi sem fórum saman, mikill spenningur var komin í marga en Hilmar var eiginlega bara spenntur fyrir að fá egg og beikon í fríhöfninni haha! En ég keypti lakkrís, kúlusúkk og þrista handa ítölsku fjölskyldunni minn í fríhöfninni en allt náði ekki að komast til skila... því miður..
Fyrsta flugið okkar var til Berlín sem tók sirka 2 og hálfan tíma, við stelpurnar búnar að gera okkur væntingar um rosa fínan flugvöll og vorum byrjaðar að plana hvað við ættum að kaupa okkur í  H&M, þannig vorum búnar að sætta okkur við að hanga í um 8 tíma á flugvellinum. En ekki svo gott, við þurftum að dúsa fyrir framan innritunina allann tímann! Einn snillingur kom með ferða Alias svo við byrjuðum að spila og skemmta okkur, vorum líka með gítar og fiðlu þannig við fórum að undirbúa hæfileika keppnina sem átti að vera í Arrival campinu í Róm en svo var ekki... þónokkur tími í hummi og söng farinn til einskis! við stelpurnar fórum nokkrum sinnum á klósettið í Berlín og ónafngreind manneskja hélt að við fengum einhvern sjúkdóm því klósettið var svo ógeðslegt, en ekki meira um það.

Loksins þegar við vorum búin að innrita okkur inn fórum við nokkur beint á Burger King og splæstum í einn sveittan börger eftir langa bið!
Næst tekur við flugið til Róm, það var um 2 tímar, við lendum í 20 stiga hita og logni, náum í töskurnar okkar sveitt og þreytt, 3 sjálfboðaliðar AFS taka vel á móti okkur og við förum beint í rútuna sem fór með okkur á hótelið sem arrival campið var :) eftir næstum 18 tíma ferðalag þá vorum við komin upp í rúm klukkan 2 um nótt!

Vekjaraklukkan hringir hálf 8 og þá vöknum við og förum í morgunmat klukkan 8, þarsem ítalar borða bara sætabrauð og kornfakes með volgri mjólk fór ég í smá verkfall og borðaði ekki meira né minna en 4 ávexti í morgunmat.
Þá hefst komunámskeiðið, okkur var skipt upp í hópa eftir hvert við færum um landið,  mikið af hópefli og skrítnum leikjum, við Íslendingarnir skoruðum á sjáfboðaliðanna í blak keppni sem við rústuðum að sjálfsögðu með einn fyrrverandi landsliðsmann í okkar liði en vil meina að ég hafi halað inn stigunum okkar! En þegar líða fer á daginn fæ ég alltaf meira og meira útbrot á fæturnar sem endar með því að ég fæ að fara fyrr heim á hótelið, sjálfboðaliðarnir hringja í lækni sem  ég beið eftirí sirka 4 tíma en allt í lagi með það núna :)

Svo var kvöldmatur um hálf 8 leytið og svo hittingur með öllum skiptinemunum þar sem forsetinn kom og hélt ræðu og skemmtilegheit! Eftir það uppgvötuðum við Íslendingarnir að það væri netsamband á hótelinu á ganginum fyrir framan herbergin okkar svo við eyddum daggóðum tíma þar til að kíkja inná facebook. En hápunktur kvöldsins var þegar við hittum meistarann Jón Larsen frá Færeyjum(mikill einkahúmor milli okkar), fengum mynd með honum og fórum sátt til baka inn á hótelherbergi þar sem við nokkur vorum að tala saman fram á nótt og borða íslenska nammið sem átti að fara til fjölskyldunnar.

Við vöknum 8 daginn eftir og förum í morgunmat þar sem við fengum okkur bara ávexti og fórum aftur að sofa við stelpurnar sem vorum saman í herbergi, en um 11 leytið fer ég á lestarstöðina með hinum skiptinemunum sem fara til Napolí og þar í kring:)
Lestin var 1 klst og 10 min frá Róm til Napolí, þetta var einhver sérstök hraðlest sem fer á 300 km/klst!!
Loksins er ég komin til Napolí þar sem fjölskyldan tekur vel á móti mér, það fyrsta sem ég sé er litla systirin með spjald sem stendur welcome salka!! svoo sætt, hleyp í áttinna til þeirra og tek utan um þau kyssi þau á báðar kynnar og sé að mamman er hágrátandi hahaha, en eftir smá spjall þá förum við í bílinn og keyrum heim, ótrúlegt að fólk í Napolí sé með bílpróf því þau keyra öll eins og vittleysingar!! Og þið þarna heima viljið meina að ég kunni ekki að keyra almennilega, þið ættuð að koma hingað!! ég alveg voða þæg og spenni beltið strax þegar ég fer í bílinn, þá segir Roberto pabbi að ég þurfi ekki að nota sætisbelti því allir keyra svo vel hérna og enginn noti þau lengur, EKKI TRÚA ÞVÍ! allir bílar, þá meina ég allir bílar eru rispaðir eða beiglaðir þannig, nei þau keyra ekki svona vel haha! Allir að svína fyrir alla og vespur hér og þar á götunni, þetta er crazy!!

Við komum heim og þau sýna mér húsið sem er svo sætt og krúttlegt, er með sér herbergi sem er rosa fínt :) um kvöldið er svo matur og skálað með kampavíni þau fá eitt prik fyrir það! en seinna um kvöldið förum við martina í smá útsýnisferð með bestu vinkonu hennar og hittum krakkana sem eru með mér í skóla :) allir voða almennilegir og kyssa mig á báðar kynnar og reyna að tala við mig á ensku en ég skil þau mjög sjaldan þannig ég kinka bara kolli og brosi, getur verið frekar pínlegt þegar þau eru að spyrja mig að einhverju og ég brosi og segi já hahaha...

En dag 2 þá vakna ég og bý um rúmið mitt(mamma þú mátt vera svo stolt af mér núna!!) en svo fer ég með Martinu og vinum hennar á ströndina og við vorum þar allan daginn! er eins og tómatur núna í andlitinu, þetta ætlar ekkert að breytast í tan, en allt í lagi með það :)
Síðan kemur fyrsti skóladagurinn, ég algjör snillingur að mæta í langermapeysu og jakka þannig þegar ég var loksins komin í skólann var ég ein svitaklessa, en allir voða almennilegir sem eru með mér í bekk, allir fóru í röð og kysstu mig hæ og kynntu sig svo allir að hrósa mér hvað ég er góð í ensku sem er náttúrulega bara hlægilegt miðað við kunnáttu mína!! kennaranir líka rosa fínir byrja bara að tala við mig á ítölsku og gera sér ekki grein fyrir að ég skil ekki orð, stærfræðikennarinn er með gleraugu sem stækka augun svona 3x, næ ekki að taka hann alvarlega  hahaha. En hann vildi fá mig upp að kennaraborði til að reyna að leysa nokkur dæmi sem gekk ekki eitt né neitt, en þetta reddast vonandi, fórum svo í ítölskutíma þar sem ég var bara að leika mér að flétta upp einhverjum orðum, kennarinn hrósaði mér hvað ég var dugleg að læra sjálf, ég er svo mikið súkkulaði, kemst upp með allt í bili! erum bara í skólanum frá 8-12 alla virka daga og laugardaga, það er frekar næs :)

Skóladagurinn í dag var miklu skárri, er núna eiginlega að smella inn í bekkinn :) byrjuð að tala við krakkana venjulega en skil ekki hvað þau segja til baka þannig ég held áfram að kinka kolli og segja já.. hahaha
En eins og er þá er allt í góðu hérnameigin, er að fara í brúðkaup hjá systur vinkonu Martinu, á ströndinni takk fyrir kærlega, líka nokkrir búnir að bjóða mér í sama partýið sem er í næstu viku, vissi ekki að ég væri svona skemmtileg.. djók.
En já, voða lítið að segja meira nema að mér líður rosa vel og fjölskyldan er rosa góð við mig :) Má líka skjóta því inn að ég sakna ykkar !
En þangað til næst!
Ciao xxx